TORALEN av Tore Kulleseid

On

2006-03-15T22:22:00.000+01:00

"On..." Oi! Tore er på. Men eitt minutt får bli nok akkurat no - det er travle tider med prosjekt, og eg er ikkje frisk..."Stand-by..." Håpar straumen ikkje går.

Seigemann

2006-03-07T21:33:00.000+01:00

Eg er litt seigemann.

Ski

2006-03-06T10:44:00.000+01:00

I morgon er det skidag! Det vert 3 gongen eg har ski på beina dei siste 6 åra - imponerande?

Eg undrast - det fell meg inn at snøen er kvit...

Vinterferie - mmm...så godt

2006-03-01T14:41:00.000+01:00

No er ferien halvvegs...skrekk og gru, huttetu - æsj.

Det som fell inn i hovudet mitt akkurat no, når eg sit og skriv, er at det eigentleg er ganske travelt med ferie. Det er så mykje som skal gjerast når ein har ferie.

Ferien min til no:

Fredag: Heime ca kl 17.30. Ut dørene igjen kl 22.20. Tar nattoget til Oslo kl 23.07 - årsak: Fekk telefon torsdag frå Kongshaug-teamet (ute på tur) om eg ville komme over å spele litt gitar, di dei skulle spele på eit ungdomsmøte i Misjonssalen. Dette var naturlegvis ein sjokkerande telefon, som altså då enda opp med at eg reiste.
Laurdag: Framme i Oslo 06.26, nokså utan søvn. Får meg ca 3 timar med søvn hos Bjørnar, før me dreg oss nedover i byen, og etterkvart også til Misjonssalen. Etter ein del rigging og øving, er det plutseleg møte kl 19.30. Møtet vart ei bra oppleving. Mykje eks-Kongshaug-elevar var det også - fekk nesten litt flæsjbækk...
Søndag: Me dreg frå hovudstaden kl 12.00, og destinasjonen er ein middag kl 14 på Hamar. Etter nokre mil og eit par Statoilstasjonar kunne me setje oss tilbords i heimen til Ole Kristian og Marte. Seinare på dagen er det møte på bedehuset på Hamar og teamet deltek. Etter møtet er det bollar og kaker...og seinare på kvelden får gjestane frå Kongshaug pizza til kvelds.
Måndag: Turnéen til teamet er no ferdig, og turen går vestover igjen, iallefall for nokre - Bjørnar reiste til Sunnmøre og Silje reiste til Oslo att. Det lystige og sikkert trøyte reiselaget som reiste over fjellet måndag var: Kristian, Kurt, Anker og meg. Turen gjekk via eit par Statoilstasjonar, Filefjell og ein middag i Aurland. Heime att mitt på ettermiddagen er eg i undring og beundring over Gud - eg trur nemleg at han planlagde at eg skulle på tur...
Tirsdag: Eg søv litt ekstra, for første gong i ferien. I kveldinga er det ei vinterferiesamling heime hos leiaren for ungdomsarbeidet i kyrkja. Kjekt, men det er litt merkeleg å føle seg meir og meir som gjest...
Idag: Skal prøve å gjere noko av alt det det som eg innbiller meg at eg skal få gjort no i ferien...

Noko som har slått meg i det siste, særleg etter Austlandsturen og gårsdagens samling, er at eg ikkje taklar "minglesituasjonar" dvs sånn typisk "heng-med-alle-og-snakk-med-alle-samtidig-situasjonar". I slike situasjonar hender som regel at det "klikkar" for meg, og eg vert ikkje meg sjølv. Eg berre taklar det ikkje, liksom. Eg trur at du må møte meg i små samanhengar for å verkeleg møte meg, Tore Kulleseid. Gjerne med 4-5 personar, men kanskje aller helst aleine.

Ha ein fortsett god ferie:-)

OPPDATERING!
Videoklipp frå bilturen med teamet, måndag:

Kurt har det morosamt i baksetet++
Liten fil (2,8mb Quicktime) - Stor fil (18,4mb Quicktime)
Kristian har funne fram dragspelet++
Liten fil (1,6mb Quicktime) - Stor fil (9,9mb Quicktime)

(Dei store filene anbefalast å lastast ned - høgreklikk på link og "lagre mål som")

Oppgåve 1

2006-02-21T14:47:00.000+01:00

Språket mitt

”Språket mitt...hm...” Dette er ikkje ei fullstendig setning! Det er ikkje noko verbal her! Å nei og nei! No har eg tabba meg ut – og dette som er ei stilinnlevering også! Tenk – i tolvte året året mitt med skulegong, så kjem altså denne flausen. Tenk å byrje slik! Og mest uhøyrd av alt; alle desse åra på benken, ja; skulebenken, denne benken – som ikkje er så god å sitje på – øh...kor var eg i setninga...ja: Alle desse snart tolv åra på benken, dei er finansierte på DINE skattepengar, grabba direkte frå din eigen pengesekk(så sant du er norsk statsborgar, betalar skatt og ikkje snyltar og sånn då...)!

Så om du lo, i stad, så ler eg av deg no: ”Hahaha..!” Min tabbe er ikkje berre min tabbe – det er din tabbe også! Du betalte for han – så værsågod; her fekk du tolv år av velferdsstaten Noreg – ta godt vare på varen, du får nemleg ikkje bytta han! Ikkje om du har kvittering eingong. Her eksisterar ingen angrerettlov, kjøpslov, reklamasjonslov eller andre lovar i favør av deg. Sorry, can’t help you...Oioioi!! Ei framandspråkleg setning mitt i denne norske stiloppgåva! Nei og nei! Det vert nok ikkje mange gode ord om denne oppgåva mi. Var det ein tabbe? Tja, det får du bestemme – det er dine skattepengar:-) (<-- uff, uff..! ein smiley midt inne i denne alvorlege, seriøse, ambisiøse teksten min! Beklagar, det er ikkje alltid like enkelt å halde den lystige karen borte:-)

Eg vil ta opp att, eit moment lokalisert nokre centimeter lenger opp – eller ned, høyre eller venstre (kjem an på korleis du les, kva vei du held arketJ). Momentet er det om bytting og angring og sånn. Sett at du faktisk hadde desse rettane – kva ville du gjort då? Om du hadde bytterett – ville du bytta meg og skriveriet ut med ein annan og noko anna? Om du hadde reklamsjonsrett – ville du ha sendt oss på service og gitt oss overhaling? Angrar du på at du ikkje har snylta på skatten no? Nja? Ikkje sikker? Men sett at også eg hadde f.eks. bytterett, bytterett på skattebetalarar som finansierer min benk – då kunne vel eg kanskje bytta deg ut med nokon andre, f.eks. frå Afghanistan, Kurdistan eller noko – sikkert nok av folk som har lyst å kome til Noreg..?

Ooops! Eg ser at eg nærmar meg enden på arket – det er på tide å gå mot ei avslutning av denne teksten (det stod 1-3 sider i oppgåveskildringa). Lat meg finne att den raude tråden – slik at eg ikkje kræsjar heile strukturen i dass her:)

Men treng språket mitt verbal? Eg ikkje heilt. Det eg no? Ikkje? Kva me med det? Ok – kanskje språket mitt verbal? Ja, omforlatelse – kanskje treng språket mitt verbal? Det ---- eg definitivt!

(Må ikkje gløyme ei ordentlig avslutning på oppgåva – ein vert trekkt så mykje for den slags... -->) Språket mitt – kva er det? Gratulerar!! Du har akkurat vorte utsett for det! :-)

Eg er svolten og skriftleg

2006-02-13T18:06:00.000+01:00

Dagens TORALEN-fakta: TORALEN er på ein måte ein forkortelse

- 14.30: Eg gjekk og la meg nedpå litt, eg var SÅ trøyt
- 17.50: Eg vaknar att
- 17.51: Eg innser at eg har sovet over middagen, og kjenner hungeren
- 17.58: Eg får ei gledeleg melding, som i korte trekk går ut på å komme og ete...
- 18.10: Måtte bare skriva litt

Eg fekk lyst til å seie at eg synest blogging er ein fin ting, fordi det foregår SKRIFTLEG. Grunnen til det er at eg er ekstremt DÅRLEG når det gjeld muntleg kommunikasjon, meiner eg iallefall. Så på ein måte; har du nokon gong snakka med meg - så har eg garantert aldri eigentleg fått fram alt eg ville. Trist sak i grunnen, men slik er det no:-) Gratulerer med dagen! Nyt den, og nytt den - i morgon er den historie.

Det skal lønne seg å velge gult...

2006-02-12T16:38:00.000+01:00

Dagens TORALEN-fakta: TORALEN likar ikkje hermetisk ananas

Igår var eg i Salem, og spelte med Kongshaug-teamet: Bjørnar "oldis" Lianes, Kristian "nordelectro" Harnes, Kurt "sølteMINkaffiutoverMEG" Aase, og Silje "ungfilawannabe" Nøkland. Fader Sjøstrand var også sterkt medvirkande.

Gårsdagens gule hending: Etter møtet då eg skulle pakke ned kassegitaren, kom det ei sånn der jente fram der som eg var. Det var nesten som eit overfall, og ho ville ha besifring på ein sang og at eg skulle vise nokre akkordar og sånn...oioioi, nei dette vart nesten litt voldsomt for ein stakkarslig gut, "oppvaksen på bedehuset". Ikkje kvar dag ein vert utsett for slik pågang - eg undrast om det var fordi at ho har skjønt at "det skal lønne seg å velge gult"..?

For dei som undrast på "gult" og sånn, så handlar det om sjølvironiskutfaldelseihenholdtiletniskutsjånad. Hahaha...

Frisk som ei sjøpølse

2006-02-08T13:16:00.000+01:00

Dagens TORALEN-fakta: TORALEN kjem snart til å opphøyre

Ja, så var eg attende i den normale verda att, etter å ha vore sengeliggjande tirsdag-søndag i forrige veke - frisk som ei sjøpølse. Når eg skriv dette, kjem eg til å tenkje på om eg eigentleg veit kva ei sjøpølse er - eg meiner sjøpølser skal vere dei irriterande greiene som ein set sluken fast i, når ein fiskar. For å vere sikker, la oss slå opp i eit leksikon:

"sjøpølser, Holothurioidea, klasse av pigghuder med bløt, pølseformet kropp og kalkplater i huden. Munnåpningen er omgitt av greinete fangarmer. Av de vel 1100 artene er ca. 35 funnet i norske farvann. Brunpølse, Cucumaria frondosa, blir 20—30 cm lang og lever fra Vestlandet og nordover. Rødpølse, Parastichopus tremulus, blir opptil 50 cm lang og er vanlig i reketrålfangster langs hele kysten. " (Caplex nettleksikon)

Hmm..."munnåpningen"...er sjøpølser dyr, liksom? Eller kanskje bare kjøtetandes plantar? Jaja, det får vere det same - sikkert er det i allefall at det er mykje brunpølser heime.

Men kva med "frisk som ei sjøpølse"? Etter mi meining, så verkar ikkje sjøpølser så veldig friske og oppegåande(håper ikkje dette var så kraftigt at det var eit misbruk av ytringsfridommen) , så med andre ord så føler eg meg ikkje frisk som ein fisk, heilt enno. Kanskje eg er sytete no, men eg kan ikkje noko for det - eg har ein dårleg dag...

PS! Eg sov berre 3 timar, natt til idag, fordi eg ikkje fekk til å sove...

Feber

2006-01-31T16:27:00.000+01:00

Dagens TORALEN-fakta: TORALEN er ikkje eit amfibium

-Impuls som var i helga: Utståande!! (outstanding...)

-Dagens status: 2 grader for høg kroppstemperatur, vondt i nakke og bakhovud, vondt i korsrygg, generelt vondt overalt, tette bihuler, ein del snørr...ikkje særleg hyggjeleg nei...

-Spørsmålet: skuldast influensaen heilt eller delvis, opphaldet på Impuls? Til opplysning begynnte snørret og bihulene FØR helga, så spørsmålet er eigentleg; kunne sjukdommen vore unngått med å ha latt vere å reise? (<---ville eigentleg ikkje vore noko alternativ uansett - kanskje viss eg hadde låge på dødsleiet...)

-Meir om Impuls seinare her på TORALEN - når infulensaen har lagt seg!

Bursdagsblogg

2006-01-26T22:05:00.000+01:00

Dagens TORALEN-fakta: (dagens fakta vart kansellert)

Idag har eg bursdag
LK, Eivind, Tore og eg, var på pizzabord på Peppes idag
Me hadde spisekonkurranse - kven som åt mest...
Eg vant med eit halvt pizzastykke - eg klarte mitt 9. stykke (tilsvarar ein heil stor pizza + et stykke)
Det 9. stykket gjorde vondt i magen
I morgon har eg ikkje bursdag
Men i morgon er det Impuls!!
Eg gler meg villt til Impuls...

Benytt gjerne anledningen til å kome med ei helsing til meg, då vert eg glad:-) Men eg er glad i deg uansett! Halleluja - Jesus lever!

Jippi!

2006-01-23T19:27:00.000+01:00

Dagens TORALEN-fakta: TORALEN likar ikkje krig

No er den ENDELEG i hus! Nei - ikkje bikkja, men; U2:"How to Dismantle an Atomic Bomb - Special Limited Edition"! Ja, etter langt om lenge, og lengre enn langt...eg veit eigentleg ikkje kva eg skal skriva no. Iallefall er eg glad eg endeleg har den i hende!

Eg bestillte frå same nettbutikk (ja, eg likar CD Wow, dei er gode folk...), som førre gongen eg forsøkte meg på å få tak i dette produktet, og heller ikkje denne gongen kom pakken fram som den skulle - sjølvsagt skulda postverket, igjen. Etter at det hadde gått over to veker sidan bestilling, begynnte eg for alvor å bekymre meg, og eg det toppa seg då eg ein dag fann ein brevkonvolutt i posthylla mi, frå Posten Norge. Skrekk og gru, tenkte eg. Men denne gongen (viser til november 2005 arkivet, til deg som ikkje har fått del i denne saka tidlegare), ja...denne gongen var iallefall ikkje pakkeinnhaldet ikkje forsvunne, men stoppa i tollsystemet! Ganske merkeligt, men dei ba meg sende kontoutskrift, faktura e.l. for å dokumentere kjøpet. Men når det var overstått, kom han endeleg heim (ev "ho"- for deg som er feminist).

Eg kan også nemne at eg no har vore i besittelse av Vertigo 05 DVD'en i over to veker, men ikke sett han enno. Eg har liksom ikkje hatt anledning, eller kva eg skal seie - Ein slik DVD skal liksom sjåast "ordentligt" fyrste gongen. Kva eg meiner med "ordentligt" skal eg PRØVE å definere med følgjande kriterier:

Ein må vere avstressa, og ikkje trøytt
Lydanlegget må kunne gjengje lyd under 100Hz på ein skapeleg måte
Ein må sitje godt, dvs at ryggen skal vere meir enn 70 grader oppreist, med god støtte
Tørstestillande drikke må vere tilgjengelig innan armradius
Ingen sjenerande støy frå omgivnadane som kan øydeleggje opplevinga tildels eller heilt
Ein må ikkje vere svolten, spis godt før aktiviteten
Om alle desse faktorane er oppfylde, må ein sikre seg om at situasjonen vil holde seg stabil

Godt nyttår! Venleg helsing frå Tore:-)

Til alle samar, og ellers resten av verda...

2006-01-21T22:06:00.000+01:00

Dagens TORALEN-fakta: TORALEN er ikkje fargeblind

Idag vert det litt misjon her på TORALEN:

"Dasgo nu lea Ipmil ráhkistan máilmmi ahte son attii áidnoriegádan Bártnis, amas oktage guhte osku sutnje mannat gáđohussii, muhto vai son oažžu agálaš eallima. " (Joh 3,16)

(dette utdraget er frå den nord-samiske oversetjinga - besøk gjerne Bibelen.no)

DAGENS post

2006-01-20T22:36:00.000+01:00

Dagens TORALEN-fakta: TORALEN kjenner ikkje tid

Eg fekk ikkje levert inn kameraet mitt IDAG, likevel...
Eg vart ikkje meir usikker av studieorienteringsdagen IDAG, likevel...
Eg er heime no IDAG, vel! (eg fekk komla idag!! dvs skikkelige saker, dvs ikkje raspeballar etc...)

Service

2006-01-19T21:56:00.000+01:00

Dagens TORALEN-fakta: TORALEN kan ta ferie utan forvarsel

Æsj. Kameraet mitt (Canon Powershot S80), har slått seg vrang, dvs ikkje vrang men gått i lås:-( Heldigvis så finns det noko om heiter garanti! For berre håpa at det ikkje blir noko "klissklass" når eg i morgon skal levere det inn til service...som f.eks. at dei finn på at garantien ikkje dekker mitt problem osv...

I morgon skal 3. klasse på studieorienteringsdag, og få studieorientering. Veit ikkje heilt om eg er så begeistra for akkurat det, eigentleg. Eg trur at eg berre kjem til å bli meir usikker av ein slik massiv bølgjesaus med informasjon. Og eg som akkurat no, dei siste dagane, har endeleg klart å byrje å sile vekk alternativ...

Eg skal heim i helga. Mormor og morfar (frå Bryne) er på besøk, og eg må liksom berre heim. Eg har tenkt på i det siste, at det er ei velsigning å kunne ha friske og oppegåande besteforeldre ---

God natt folkens:-)

Sperre og Salem

2006-01-15T19:41:00.000+01:00

Idag sperra eg VISA-kortet mitt for fyrste gong, di eg ikkje fann at kortet når eg ville bruke det igår. Eg ringde så til BBS og gjennomførte denne kort-sperringa. Det neste som hende var at eg leita litt til etter kortet, for så å finne det 5 min. etter sperringa...

Idag var eg i Salem (NLM si byforsamling i Bergen) og spelte til allsang, ilag med Kristian KARK, Bjørnar Medmilitærbriller og Kurt Latex Nilsen – alle desse er miljøarbeidarar på Kongshaug for tida, for dei som ikkje visste det. Det kan også nemnast at Snilje Køyrdepåraudtlysidag var ein av fire forsongarar – også ho ein (evt. ei) miljøarbeidar (evt. miljøarbeidarinne) her på Kongshaug (hehe).

Igår var eg også i Salem, og spelte saman med Kongshaug-teamet og Fader Sjøstrand. Anledningen var ungdomsmøte. Fader Sjøstrand er ein ”reser” på gitar, og det er kanon å spele saman med han i band. Og dessutan; to gitarar vert dobbelt så tøft! Det kan også nemnas at Snilje Køyrdepåraudtlysidag hadde eit solosanginnslag på dette ellers flotte møtet...(oooops...provoserar eg no???) (eg likar å provosera av og til) (når eg provoserar så er det kun for å provosere) (det er flott med parantesar!) (i allefall synest eg det) (fordi då kan ein liksom slenge på litt her og der) (eg lurar på kven som oppfann parantesen) (Snilje Køyrdepåraudtlysidag sitt solosanginnslag var flott det også...)

Leave your comment

2006-01-13T22:40:00.000+01:00

Dagens TORALEN-fakta: Det er ukjend kvifor TORALEN ikkje likar vatn

Eg fekk ein genial idé om å bruke denne posten til å svare på kommentarar, gitt på forrige post. Det må vel vere eit genialt konsept?

marie (Marie G):
Yo! :-) Jadå...så fekk du meir kjøkkenutstyr enn meg - Men nå har nå du då ein mann i huset som skal leva vel, så du var vel eigentleg dømd til å få kjøkkenutstyr til jul i fjor...og resten av livet...(hehe, bare tulla:-)

Acta i Stavanger er eit alternativ, ja, absolutt. Men eg er ikkje sikker på noko...

Me snakkes, å du og du, me snakkes på Impuls! Eg har i år som i fjor massakrert Kongshaug med Impuls. Eg har forresten ikkje gjort nokon massakre, eg har berre vist video, delt ut flyers, og plapra om Impuls. Eg vert gruppeleiar for like mange i år som i fjor, nemleg heile 4 personar. Eigentleg langt under mi målsetjing, men lyspunktet for vere at det reiser 4 stk til frå Kongshaug til Impuls, sånn utenom gruppa mi. Det er jo kjempebra - 100% auke frå i fjor! I tilleg har eg merka meg at interessen for å reise på Impuls var langt større i år enn i fjor; hadde alle som ar sagt at dei kunne tenkt seg å reist på Impuls, faktisk reist, hadde det blitt over 20 deltakarar! Dumt at eg går ut av Kongshaug - eg får ikkje sjanse til å arrangere tur neste år...eller eg kan jo... Er du gruppeleiar forresten? ( <--- endå eit genialt konsept - still spørsmål til einskildpersonar i posten. Burde garantert framkalle "comments"...)

Silje (Silje N):
Haha, ja Elin sa det...mmm....veldig morosamt...haha...la oss le litt her på TORALEN...nettlatter...haha haha haha...

"Gjør det du sier du vil. Vær så snill." <---Det rimar...måtte berre påpeike det, leve ut mine litteræranalytiske eigenskapar:-) Eg skal sjølvsagt gjere det eg vil, men då må eg jo finne ut kva eg vil fyrst...jaujau... Kva skal du med ein symaskin i desse moderne tider... ( <---provoser - få kommentarar - endå eit konsept...) Jaja, du kan jo kosa deg med "Sewing Hangman"! Eg fant dette fantastiske spelet berre fordi at du ikkje fekk symaskin til jul...eh...her er det!

Og du - før du ynskjer deg eit nytt og betre liv kunne du kanskje ha funne deg eitt fyrst...(hahaha...lenge leve humoren)

aashilda (Åshild Aa):
Eg veit ikkje kva eg vil bli...eg veit ikkje kva eg skal (bortsett frå å prøve å leve i Guds plan for meg). Nokon som har forslag til kva eg burde bli? (med grunngjeving)

-----

Takk for følget så langt du som les, og lykke til vidare:-) No går eg og legg meg, skal opp tidleg i morgon, kl 10.00 (hehe...)

Unnskyld...

2006-01-09T10:26:00.000+01:00

Dagens TORALEN-fakta: TORALEN likar ikkje vatn

Kjære alle saman! Unnskyld for at eg ikkje har blogga på 27 dagar...dvs TORALEN byrja juleferien litt tidleg, og slutta likeeins i seinaste laget. Men joda...GOD JUL og GODT NYTTÅR!!

Eg føler for å proklamere ut om ei av julegåvene eg fekk i år...(hahaha det har ikkje vore jul i år!!! Synd at du gjekk rett på:-) Eg, i min eigen person, kan skilte med å fått ein handmiksar til jul. Ja, ein HANDMIKSAR! Ein slik gjenstand som høyrer til på kjøkenet! Ein slik ein kan mikse med! Mikse kaker og vaflar! Kor mange av dykk jenter der ute kan skilte med å ha fått kjøkenutstyr til jul? De ønska dykk vel stort sett smykker, sminke og mp3-spelarar..? (håpar at dette var bittelitt provoserande, unnskyld viss ikkje)

Ellers er hovudet mitt ganske så overfyllt av tankar for tida - eg som eigentleg har ganske stort hovud..! Av dei mest trengjande tankane, er tankane om framtida - kva skal eg gjer til hausten? Livet etter vidaregåande er plutseleg ikkje lenger ein fjern tanke - det er til hausten, liksom... Eg anar ikkje kva eg skal gjer, føler eg, og gjekk dermed til rådgiver på skulen for å kanskje klarne opp litt: "Du, det er ikkje så mange som er så konkrete som du, Tore..."

Hurra for CD WOW!

2005-12-13T19:32:00.000+01:00

Dagens TORALEN-fakta: TORALEN er ikkje ei religiøs skrift

Hurra for CD WOW! Dette er nettbutikken som gjev deg att pengane for eit produkt som Posten Norge har rota vekk!! Eg skreiv ein mail til dei og forklarte kva som har hendt, utan å eigentleg ha noko håp om at noko skulle skje. Og SAME DAG får eg beskjed om at DEI beklagar hendinga og vil gjerne gje meg erstatning!! (heilt sjukt sidan det er Posten Norge som er syndaren...) Dei skulle eigentleg sende meg eit nytt eksemplar av CD'en (for dei som ikkje veit kva det er snakk om - les tidlegare toralar...), men sidan denne no ikkje var på lager lenger, sette dei over pengar i staden for! Dette er det ein kallar service! Høyrde de det, Posten Norge?!

Ellers så er det den årlege frukostjulekonserten (eller nattjulekonserten etter eit B-menneske si oppfatning) i morgon, og frukosten på skulen er 05.30...hehe...

EKSTRA-punkt: nokon som veit om nokre bloggar skreve av det mannlege kjønn som eg kan lese? Synest det flaumer litt over av jente-bloggar...

Posten Norge AS

2005-12-10T00:28:00.000+01:00

Dagens TORALEN-fakta: TORALEN har ikkje årstider

Kjære landsmenn, no er det tid for revolusjon - postrevolusjon!! No vil me ha fri konkurranse på postmarknaden!

Idag fekk eg melding frå Posten Norge at dei ikkje hadde funne det sakna pakkeinnhaldet, som eg hadde etterlyst - spesialversjonen av U2's "How to Dismantle an Atomicbomb". Videre skriv dei at "Posten har ikkje erstatningsansvar overfor skadd, forsinka, eller bortkomen brevpost..." OK - men kva er det de gjer på då, kjære Posten Norge?

Dette er for dårleg Posten Norge!!

Karakter: -- ingen karakter

Så har det skjedd...

2005-12-06T13:30:00.000+01:00

Fyrst dagens TORALEN-fakta: TORALEN er ikkje eit pattedyr.

Så skjedde det som aldri skulle skje - eit bloggeopphald på over ei veke... Eg hadde bestemt meg for at eg skulle ikkje gjere noko sånn, fordi det litt irriterande med bloggar som aldri vert oppdaterte. Men desto meir gledeleg er det når det kjem eit nytt innlegg?

TORALEN har no vore på nett i 36 dagar, og eg føler for å markere det bittelitt. Eg vil offentlegjere kven som har vore mest aktiv på TORALEN. Den som har mest kommentarar til no er Silje N! Gratulerer med dagen!

Topp3 - TORALEN comments 6. des. 2005:

Silje N (9)
Åshild Aa (6)
Margot F (4)
Gunhild S (4)

Eg skriv ikkje meir denne gongen, eg har to laaaange innlegg om Bryne i bakhovudet - dei vil eg forresten anbefale å lese, viss du ikkje har gjort det. Eg brukte ganske lang tid på å skrive dei...

Meir Bryne

2005-11-27T21:35:00.000+01:00

Dagens TORALEN-fakta: TORALEN vert skriven på nynorsk.

No går helga ganske så mot slutten, eg vert mest litt vonbroten – etter ei så flott helg. Helga har hatt mange høgdepunkt:

Komlemiddag vart servert av mormor, då familien ankom Bryne, midt på fredagen. Og då var det sjølvsagt SKIKKELIGE komler!! Mmm...

Vakne opp på Bryne ein laurdagsmorgon, med fulle batteri – ei herleg kjensle.

Ettermiddagstur til Grønstien, laurdag. Eg og mor tok ein liten tur bort til Grønstien (viser til forrige post for meir info), for å sjå korleis det såg ut no – me hadde ikkje vore å sett der på mange år. Det var nesten ei såkalla nostalgisk kjensle som vart framkalla når eg gjekk i mi barndomsgate. Grønstien 4, på Bryne, er liksom ein del av min person.

Familiemiddag laurdags kveld, med ribbe og et par tanter og onkler. Det var sjølvsagt ribba som stod på menyen, berre for å klargjort den saka:-)

Helgas høgaste punkt --- har eg spart til slutt: G1 på Saron (bedehuset på Bryne), fredags kveld. For tredje gong våga eg meg ned på eit ungdomssmøte på Saron, og eg angrar ikkje på det! Saron har eit fantastisk bra ungdomsarbeid, og eg vert SÅÅÅ inspirert av å vere tilstades på storsamlingane deira! SÅ fokusert, SÅ bra innhold, SÅ låg terskel m.m.Eg synest også det er litt spesielt at kvar gong eg kjem på Saron, så føler eg liksom heime(!). Alle som har sjansen burde ta seg ein tur innom Saron eingong! Etter møtet var det fullt liv i dei flotte lokala i underetasjen. Faktisk så var det også GRATIS påfyll med kaffi denne kvelden, noko som tiltalte meg særs høveleg:-) Når eg er igang med Saron, så må eg seie at eg føler meg litt knytt til Saron også. Mor er ”oppvaksen” på Saron, og far og ho høyrde til der, frå ca 1979-89. Eg vart sjølvsagt også tatt med på Saron som liten. Saron er eit fantastisk bedehus – med fantastiske folk som tjener Gud!

Ellers må eg nevne at det er veldig kjekt å prate med folk på Saron, eg byrjar å kjenne nokon etterkvart også:-) Eg veit ikkje kva det er, men eg får liksom ei godkjensle av å vere med Bryne-folk...spesielt dialekta er særs i øyrefallande – kanskje det fortsatt bur ein liten Brynebu i meg?

Men akk og ve...farvel helg! I morgon ventar skulebenken att...men snart er det jul:-)

Bryne

2005-11-26T12:59:00.000+01:00

Dagens TORALEN-fakta: TORALEN er ikkje digital. (Eg vil tipse nye TORALEN-lesarar om at for å finne ut meir om kva TORALEN er, kan ein bla tilbake i arkivet og lese tidlegare publiserte TORALEN-fakta)

Dagens TORAL vert via til Bryne, og vert også skriven frå denne staden.

Om Bryne: Bryne er ein liten by, klasse 10 000+ innbyggjarar, som ligg i Time kommune, omlag 35 min sør for Stavanger. Bryne ligg i den nordlegaste delen av Jæren, midt blant åkrar og beitemark, og er den største staden i regionen, og dermed også det naturlege knutepunkt. Bryne er i stadig vekst, og tidlegare i år slo dei like godt til med å åpne M44, det nest største kjøpesenteret i Rogaland fylke – det fortel noko om Bryne sin posisjon som tettstad. Bryne har også sine meritter innanfor idrett dvs fotball: I 1987 vart fotballklubben Bryne cupmeistarar. Bryne har opp gjennom tidene oppfostra klassespelarar som bl.a. Gabriel Høyland, Alf Inge Håland og Ragnvald Soma.

Mi tilknyting til Bryne: Eg vart faktisk døypt i arbeidskyrkja på Bryne, og budde på Bryne frå 1987-1989. Mi adresse i den tida var Grønstien 4. Kvifor budde eg på Bryne? Mor mi er her ifrå, og då ho og far gifta seg, busette dei seg her. At mor mi er frå Bryne, skulle tilseie at eg har besteforeldre der – og det er alldeles korrekt. Mormor og morfar sin heim i Kløvervegen er min tilfluktsstad her på Bryne, med gangavstand til alle tilbod og fasilitetar staden tilbyr. Kløvervegen er forresten også ei særs fredfull gate, der flesteparten av folka er pensjonistar. Bryne er ein stad eg føler meg knytta til – her budde eg mine første år og her og i området rundt har eg halve slekta mi. I blant så føler eg meg faktisk som halvt Brynebu, Jærbu, Rogalending(!). Ein har videobevis (m/lyd) som visar at eg i min barndom snakka så og seie rein jærdialekt. Dette vart imidlertid brote då eg etterkvart byrja min karriere i det norske skulesystem.

Mitt forhold til Bryne: Opp gjennom åra har det blitt mange turar til Bryne, med formål som ferie, høgtidsfeiring og andre feiringar, og ellers mange andre anledningar. Eg kjenner at eg likar meg på Bryne, her får eg slappe av og reinske bort stress og mas. Dette har eg merka særleg etter at eg byrja på vidaregåande skule. Bryne er synonymt med kvile og påfyll. Det siste året har eg også fått oppleve det fantastiske kristne arbeidet her på Bryne. Ungdomsarbeidet blomstrar som berre det! Eg har vore så heldig å ha fått delteke på tre fredagsmøter på Saron, det siste året. Dette vil eg skrive meir om i morgon...

Kort og godt: Bryne – ein kjekk stad med kjekke folk!

(fortsetjing følgjer...)

EKSTRA-TORAL: akkurat i denne augneblink vart eg oppringd på telefonen og vart møtt med live-overføring av vakre tonar frå Delirious, som i kveld heldt konsert i Tønsberg...Det var veldig kjekt å få ein slik telefon, men samstundes vart eg minna om at eg faktisk ikkje er tilstades på konserten...Den som sytte for oppringinga var Charlotte, som faktisk ER på konsert akkurat nå. Men eg har sjølv valgt å gå glipp av Delirious, s

Tid for blogging igjen...

2005-11-24T13:54:00.000+01:00

Dagens TORALEN-fakta: TORALEN kan ikkje etast.

No har eg endeleg fått såpass pust igjen, etter KongshaugFestivalen, at eg kan starte å skriva att, her på TORALEN.

KongshaugFestivalen vart kjempebra! Bortsett frå litt lite folk, men alt i alt - bra. Meir om festivalen skriv eg ikkje akkurat no - akkurat no er eg litt ferdig og lei av festivalen:-) Dvs litt trøtt og sliten.

I den siste tida har eg eigentleg vore sånn ganske positiv til postverket og sånn, men etter det som hende på laurdag...(---) Det som har skjedd er at eg bestillte spesialversjonen(limited edition) av U2's How to Dismantle An Atomic Bomb (oioioi-skreiv faktisk Vertigo, i bloggens hete, surrete som eg er...unskyld U2, unskyld alle sammen), frå ein utanlandsk nettbutikk. På laurdag låg det ein pakke i posthylla mi, som skulle inneholde CD'en - men inni pakken var det berre eit papirark frå Posten Norge, der dei beklaga at innholdet var blitt borte under maskinell sortering..!! Då eg ringde posten, kunne dei ikkje eingong lova at eg nokon gong ville få CD'en, og svar ville eg fyrst få om 3-4 veker! Dette er for dårlig Posten! Det er iallefall heilt klart etter denne hendinga, at risikoen med å bestille frå nettbutikkar(både utanlands og generelt) ikkje er om nettbutikken er trygg og alt det der - den sanne risikoen er om postverket i Norge klarar å levere pakken til deg!!

Eg ser fram til langhelg - blir herleg med fri i morgon, fredag! Helga vert tilbrakt på Bryne, på besøk hos mormor og morfar.

Ellers så fekk eg kjempelyst på brus i nuet..! Skal ein tru på ernæringsfysiologane(eller kva dei no kallar seg), så er det eit teikn på at eg ikkje har ete godt nok tidlegare idag, og dermed vert litt "sukkergalen". Men eg har avlikevel lyst på brus...

Ein ny dag, ein ny toral

2005-11-16T19:53:00.000+01:00

Dagens TORALEN-fakta: TORALEN egnar seg ikkje som menneskleg føde.

No er særemne i musikkorientering innlevert - punktum.

Over til noko anna:
Eg har lagt merke til at det er vorte svært populært med slike rating-lister rundt om på forskjellige bloggar. Dette vil også TORALEN vere med på, og difor kan du idag lese dei fyrste torale topp5-listene, her på TORALEN.

TORALEN topp5:

Jesus lever
Særemne i musikkorientering er ferdig
Eivind og eg fekk fri frå kortimane igår(!) av sjølvaste Rotvik-himself
Det regnar ikkje ute, slik det pleier her på vestlandet
I morgon er det blokkdag i valgfag, og ingen ensembleleiingstimar

TORALEN loosers:

Eg er sinnsjukt stressa for tida
Eg er kjempetrøyt
Det står ingen brusflasker i kjøleskåpet som er mine
Har ikkje fått tid til å spele Age of Empires den siste veka
Har ikke vunne mann-mot-mann mot LK i AoE dette skuleåret

TORALEN tar fullstendig avstand frå evt. feil i listene...

På søndagen...

2005-11-13T21:42:00.000+01:00

Dagens TORALEN-fakta: TORALEN har ikkje ei fysisk avgrensa overflate.

Idag er det søndag
No er eg ikkje heime lenger
I morgon er det måndag
Eg treng søvn,

Men eg må skrive
før eg sovnar.

Rett før søndagen

2005-11-12T23:43:00.000+01:00

Dagens TORALEN-fakta: TORALEN har ingen kjend fargevalør.

I helga er eg heime, det er jo alltid kjekt, men det som er så irriterande er at kvar gong eg er heime så er eg som regel trøyt og sliten, og har humør deretter - irritert. Eg har ikkje lyst til å vere trøyt og irriterande når eg er heime!

Dagens lyspunkt er at eg har fått skreve ned fyrste sida på særemnet mitt i musikkorientering:-) Det er faktisk eit veldigt godt teikn - i henhold til mine framgongsmåtar når det gjeld skriving av større oppgåver, så vil éi nedskriven side(av 6-8) tilseie at eg faktisk er halveis i arbeidet.

Konkurranse: Hva er motivet på dagens bilde?

Tutti frutti

2005-11-11T23:34:00.000+01:00

Dagens TORALEN-fakta: TORALEN har ikkje ei bestemd form.
Bonus-TORALEN-fakta: TORALEN har ikkje eit omriss.

Idag er det ei veke igjen til KongshaugFestivalen - nesten litt skummelt. Men samtidig gler eg meg - eg har tru på festivalen, som ein god festival.

Dei som er av dei meir erfarne TORALEN-studentar, har sikkert fått med seg at eg var på sesjon, tirsdag. Det var ei kjedsomartig oppleving. Men utfallet vart eg nøgd med - eg er friteken frå militærtjeneste.

På onsdag skal særemne i musikkorientering leverast inn...det kan jo bli artig å sjå korleis det skal gå til...å, eg minnast dei forrige skuleår og innleveringar...det kan ofte skje ganske morsomme ting i forbindelse med slikt...

Om to veker kjem sjølvaste Delirious(!) til Bergen og har konsert! Det er rett og slett berre heilt fantastisk! Noko som ikkje er så fantastisk, er at eg sannsynlegvis ikkje skal på den konserten...Dvs. eg har faktisk TOTALT FRITT valg i om eg skal eller ikkje, dvs. velge om eg skal vere med familien til Bryne, til mormor og morfar (og halve slekta ellers). Men noko inni meg berre vil liksom ikkje velje bort eit slikt mormor-og-morfar-besøk til fordel for noko anna. Dessutan har eg opplevd Delirious tidlegare; ein gong i fjor, og i år - så det er liksom ikkje totalkrise om eg ikkje får denne konserten med meg. Det kjem sikkert fleire sjansar i framtida...

(Bildet i denne posten har ingen forbindelse med innholdet, og er berre til pynt:-)

Stress-not-less

2005-11-07T21:51:00.000+01:00

Dagens TORALEN-fakta: TORALEN har ei meir eller mindre ukjend kjerne.

Akkurat no er eg SINNSJUKT stressa og sliten! Sitte på ei av maskinene på skulen og skrive dette, mens eg arbeide med KongshaugFestivalen på laptopen... Har mykje som må gjerast, sidan heile morgondagen går med til sesjon... Akk og ve, verneplikten...som gjer at eg må stå opp kl 06.15 i morgon tidleg.

Det verste med alt kjøret og stresset idag, er at eg måtte droppe samlinga med bibelgruppa mi idag. Det er ikkje nokon særleg bra start på veka, synest eg.

Dagen etter laurdag...

2005-11-06T14:57:00.000+01:00

...er søndag.

Dagen TORALEN-fakta: Sjølv om TORALEN ikkje går an å ta på, så er det likevel mogleg å nå inn til den:-)

Dagens toral: Spelinga på haustfesten igår synest eg personleg gjekk i toalettet (dvs. dass, brukar "toalettet" for å vera litt meir danna i språkbruken). Det var mange praktiske problem, saman med uventa hindringar, som gjorde spelinga dårleg. Og det verste er at eg er sjølv er årsak til nesten alle problema som oppstod:-(

Men etter haustfesten fekk eg ei slags oppreising, då Eivind og eg vant over LK, Morten og Mikael, i eit slag Age of Empires II. Det var herleg å slå LK - han har vore ei hard nøtt i det siste...

Ellers så stod eg opp seeeeint idag, og åt middag til frukost. Dvs: er det ikkje eigentleg feil å seie at ein åt middag til frukost? Det var jo ikkje middagsmåltidet mitt, men frukosten min..? Så eg åt vel eigentleg berre ein varm frukost?

Haustfest på Kongshaug

2005-11-05T14:44:00.000+01:00

Dagens TORALEN-fakta: TORALEN går ikkje an å ta på, sjølv om ein kanskje skulle tru det.

Idag kl.18 er det haustfest her på Kongshaug Musikkgymnas, og me i tredje klasse er ansvarlege arrangørar for den. Bortsett frå litt "småknusk", ser alt ut til å vere i rute.

Eg skal delta på haustfesten med litt gitarisering på eit knippe allsangar. Det blir ikkje mange tonar eg kjem til å dela ut, men det er heller ikkje ønsket mitt. Eg likar eigentleg å spela så få tonar som mogleg, med så lite omfang som mogleg:-) Dette trur eg kanskje er ein del av min personlegheit..? Iallefall så har eg sansen for det enkle og reine også på andre områder, som; form og farge, tekst og tale, og eigentleg dei fleste uttrykksformar.

KongshaugFestival og historie

2005-11-03T17:48:00.000+01:00

Fyrst eit lite dykk i TORALEN’s mystikk og mysterier: Kor tid oppstod TORALEN? Eigentleg eit svært vanskeleg spørsmål å svare på, men dei eldste kjende torale skriftene kan daterast tilbake til slutten av 1980-talet.

Dagens toral: Akkurat no har eg ganske mykje KongshaugFestival inni hovudet mitt, og det kan vere ganske stressande til tider. Å vere ein del av styret for ein festival er jammen meg ikkje ”bare-bare”!! Det er sinnsjukt mange floker og knuter, som dukker opp, på vegen mot eit fullstendig festivalarrangement! Men idag fekk me løyst nokre av dei verste flokene, og alt er eigentlig litt meir behageleg, som er veldig bra – KongshaugFestivalen nærmar seg med stormskritt, for ikkje å seie orkanskritt..!

Noko som derimot ikkje er så veldig lystig, er at eg ikkje er ferdig med historieoppgåva, som skal leverast i morgon (sukk). Skulle gjerne vore ferdig med den, men dum som eg er så har eg sjølvsagt eit godt stykke arbeid igjen, dagen før innlevering...

Velkomen til TORALEN

2005-10-31T01:00:00.000+01:00

Dette er fyrste gong at TORALEN vert tilgjengeleg for ei større samfunnsgruppe. Tidlegare har det vore meir eller mindre vanskeleg å skaffe seg tilgang til TORALEN, for folk flest, grunna at TORALEN i tidlegare tider berre har vore å få tak i inni hovudet, til TORALENS eigen opphavsmann. Men no er altså TORALEN ute på nett - for fyrste gong i historia.

Men kva er TORALEN? Er det noko ein kan ta på? Er det berre nokre skriverier? Er TORALEN ein avgrensa størrelse? Er den levande, eller er den ein gjenstand? Korleis skal ein forholde seg til TORALEN?

Etterkvart vil du her, på toralen.blogspot.com, kunne finne ut meir om kva TORALEN er. I tillegg til slike informasjons/fakta-poster, vil du sjølvsagt også få nye ord frå TORALEN.

TAKK for besøket, og velkomen tilbake!

Coming soon...

2005-10-07T23:08:00.000+02:00

Toralen - arriving in October 2005...